- أنا قلت لآ
ماعرفش ليه اتغيرت
واتمزقت كل القلوب
وانشق فيها ألف شق
بعد الغروب بساعات
لما الظلام نزل ستايره على الورق
والكل فات
نزلت خفافيش الجماعه
من السما
شياطيييييييين
وقالوا ملايكة
قال أيه هيرجعوا الشريعة وينصفوا
رغم الظلام الحق
صدقوا
ما حنا ف زمان الزق
كل اللي عايز ينشهر
أو ينتشر
أويترسم ع الخلق
يتلزق
زي الغرا في الشريعة لزق
أنا قلت لأ
ما اعرفش ليه اتغيرت
وضاع معاها الحق
يمكن يكون القلم ما كتبش
لما صرخت وقلتها بالبق
أتا قلت لأ
ورحمة جدودي وأبويا
أنا قلت لأ
بس اتغيرت في الورق
وبقت في قلبي آآآآآآآآه
مليون نعم مش لآ. 
Dr-Mostafa Dowidarالشعب كله كيوت
طالع جميل مبسوط
والضحكة لايقه عليه
رغم الدموع والموت
والبلطجه والأخونه والسلفنه
والضرب بالنبوت
الشعب كله كيوت
بيقول بملو الفم
لأ للسفه والغم
لأ للزمان القهر
ولكل ساقية دم
لأ للدقون المريضة
ولكل جاهل طحن
أعمى الضمير وأصم
الشعب لما يثور
يقول كلمته في النور
طظ في الدستور
دستور فصيل مغلول
بيفصل الأحكام
على مقاس حكام
وبيرفض التدليس
اللي ابتداه إبليس
من يوم ماباع الشمس
للضلمه والخفاش
حتى القمر ما بقاش
يطلع لحد الفَجر
بالذمه بقى فيه فُجر
زي اللي في الدستور
والهم يملا قصور
من يوم جانا الكبش
وصلت الخرفان
يرعوا بأرض الشعب
ويمأمأوا للهبش- Dr-Mostafa Dowidarحوارٌ دونما سببٌ
كقتل النفس في الكربِ
فمن يرضى بمهزلةٍ
لجروٍ في الردى ينبح
يقول بأنه الشرعي
ولا يسمع ولا يفهم
وكان حمارنا يفهم
ويحملنا إلى الحقل
وأيم الله لا أمزح
حمار القوم قد يفهم
وهذا اللوح لايفهم
فكيف نحاور الجحش
وقد ضاقت به الصحف
فلا المسئول في القصر
ولا العمال قد عرفوا
طريق المخ في الرأسِ
ورأس الجحش في القصر
تغلفه غياماتٌ من الجهل
أحاور من تغازله
قلوب شابها مرضٌ
فكيف بربكم يجدي
حوار القهر والجهل
فيامن تسكن القصر
قتلت الشعب بالصلف
فمن يعلفك بالتبن
غبيٌّ بشتهي قتلك
ستسقط بين أيدينا
ونسلخ وجهك القذر - Dr-Mostafa Dowidarفضيلتك يا مرشد
حقير من زمان
زرعت الحقارة
بأرض الحضارة
وصارت نبات
بيطلع ويطرح
ندالة وسفالة
وشلة كلاب
بتنهش عذارى
وترعب ولدنا
بإسم العدالة
ووعظ الشيطان
فضيلتك يا مرشد
حقير من زمان
إيديك مش نضيفه
وقلبك سواد
بتنهب وتسرق
وتوعظ كمان
دا انت مصيبة
وكمان ألعبان
فضيلتك يا مرشد
حقير من زماندستورٌ في مطبخ مرسي
تطبخه لجان الغرياني
والشعب يصوت أو يلطم
سيمر ويصبح دستورًا
وسأخضع مثل الجرزان
لقانون جنود الخرفان
خرفانٌ من أرض المرشد
يرعون بأرضي وسمائي
قليضلل من يأتي بعدي
فالكل رهين الإخوان - Dr-Mostafa Dowidarتحية إلى الدكنورة منال عمر
إلى كل من يريد أن يقول نعم للدستور
===========================
روحوا
اطلعوا ووقعوا
قولوا للدستور نعم
وانسوا كل أم قلبها
على ولدها اتحرق
انسوا
الحسيني وجيكا
وانسوا الشباب اللي اتسحل
قولوا للدستور نعم
وانسو
إن دم العيال ع الورق
القصر قدامكم
والمحكمة
وكتيبة الأشرار
في مدينة الإعلام
زرعوا للبشر مليون لغم
قولوا نعم
خلوا البلد تتسرق
وانسوا
ان دم العيال ع الورق
الثلاثاء، 18 ديسمبر 2012
خربشات ثائر
الجمعة، 7 ديسمبر 2012
الاشتراك في:
الرسائل (Atom)